Laurdag 25. oktober inviterer Volda Næringsforum til den aller første Heiderskveld for næringslivet – ei feiring som skal anerkjenne og lyfte fram breidda i næringslivet i kommunen vår. Intensjonen er at dette skal bli eit årleg arrangement. Vi har fått veldig god støtte frå lokale sponsorar og inviterer til denne festlege og høgtidelege kvelden på Høgskulen i Volda, med mellom anna Studentsamskipnaden, Osdal Catering, Oclin og Møre som samarbeidspartnarar.
Kvifor heidrar vi næringslivet?
Lokalt næringsliv skapar arbeidsplassar.
Vi skal framsnakke næringslivet i Volda som gir folk jobb – unge får sin fyrste arbeidsplass, erfarne og kompetansen blir i kommunen, og vi sikrar positive ringverknader for heile lokalsamfunnet.
Det utviklar kompetanse.
Lokale verksemder rekrutterer, utviklar og lærer opp neste generasjon. Lærlingar og læreplassar er heilt avgjerande for at Volda skal ha eit solid næringsliv som gir breidde i arbeidsplassane i kommunen vår som har om lag 50% er sysselsett i offentleg sektor.
Næringslivet støttar fellesskapet.
Gjennom sponsing og initiativ bidreg lokale aktørar til kultur, frivillige lag, aktivitetar og møteplassar – og gjer Volda til eit attraktivt og levande samfunn. Skatt og verdiskaping frå verksemdene er grunnlaget for velferd og lokalt fellesskap.
Personleg service og omsorg.
Dei som jobbar bak disken, i verkstad, eller som dagleg leiar – kjenner kundane sine, og arbeidar kvar dag for å gje personleg service og gode opplevingar for kundar i alle bransjar. Denne kvaliteten er spesielt synleg i små samfunn, og dette er viktig at vi ser og gir merksemd.
Bygg fellesskap og berekraft.
Å bruke lokalt næringsliv er å styrke fellesskapet, støtte naboar og oppretthalde grender og sentrum med liv, trivsel og tilhøyrsle.
Intensjon med Heiderskvelden
Formålet med Heiderskveld for næringslivet i Volda er nettopp å synleggjere alle ledd – både dei mest synlege og dei mindre men viktige aktørane. Alle, frå adm.dir til medarbeidarar i kassa, frå gründerar til lærlingar: alle skal bli sett, og alle har si rolle i å skape eit blomstrande næringsliv.
Nominasjonsprosess – slik kan engasjere seg
Årets publikumspris vil ta utgangspunkt i nominasjonar frå Møre sine lesarar. Nominasjonar blir samla inn i eit enkelt skjema digitalt eller på papir. Ut frå dette blir det vald ut nominerte til ei publikumskåring, som til slutt gir ein vinnar som blir kåra under Heiderskvelden.
Juryen står for nominasjon og kåring i dei 5 andre pris-kategoriane.
Pris-kategoriane
Følgjande prisvinnarar vil bli kåra:
Juryen har òg høve til å opprette ekstra prisar for å lyfte fram særlege bidragsytarar eller bransjar.
Ein inkluderande, høgtideleg og minneverdig kveld
Volda Næringsforum inviterer til ein kveld med høgtid og fellesskap: aperitiff, ein flott treretters middag, prisutdelingar, underhaldning, og ein sosial møteplass. Vi ønsker å feire og styrkjer fellesskapet i næringslivet i kommunen.
Praktisk info om Heiderskvelden for næringslivet
Dato: Laurdag 25. oktober 2025
Stad: Høgskulen i Volda
Konferansier : Thomas Ryste
Arrangør: Volda Næringsforum
Billettpris: 995,- eks. mva (18 års grense)
Påmeldingsfrist: 26. september
